தாய்மொழிக் கல்வியே சிந்தனையை விரிவுபடுத்தும் இயற்கை முறையாகும். இதுநாள் வரை நாம் தவறாகப் பயன்படுத்திக் கொண்டிருக்கும் வரிவடிவ பெயர்களையும் ஒவ்வொரு எழுத்திற்கான சரியான உச்சரிப்பு முறைகளையும் ஆசிரியர்கள் மட்டுமல்லாது பெற்றோர்களும் மற்றவர்களும் ஒவ்வொரு தமிழரும் தெரிந்துகொள்ள வேண்டும் எனும் நோக்கில் அமைக்கப்பட்டது.இந்நூலாகும். ஒலி வரிவடிவத்திற்கான பெயர்களை அறிவதால் எழுத்தை வைத்து எழுத்தைக் கற்பிப்பதால் மாணவர்களுக்கு எழுத்துகள் மறக்காமல் விரைவான வாசித்தலுக்கும் பிழையின்றி எழுதுவதற்கும் அடித்தளமாக அமையும் என்பதை ஆய்வு நோக்கில் வெற்றிகண்டு எழுதப்பட்டிருக்கிறது இந்நூல்.

சுமார் 100 ஆண்டுகளாக தொல்காப்பியம் நன்னூல் ஆகியவற்றின் அடிப்படையில் எழுத்துகளை எவ்வாறு எளிமையாக சரியாக முறையாக அறிமுகப்படுத்த வேண்டும் என கள ஆய்வு செய்யப்படாத நேரத்தில், தமிழ் வாசிப்பு திறனில் ஏற்படும் சிக்கல்களும் தீர்வுகளும் எனும் தலைப்பில் இப்புத்தக ஆசிரியர் முனைவர் பட்டம் பெற்றுள்ளார்18 ஆண்டுகளாக ஆய்வு செய்யப்பட்டு எழுதப்பட்ட நூல்களில் இந்நூல் சிறப்பு வாய்ந்ததாகும். ஏனெனில் நம் மொழியில் மறைக்கப்பட்ட மறந்து விடப்பட்ட அனைத்து செய்திகளையும் அடிப்படை தமிழை குறிப்பாக எழுதப் படிக்கத் தேவையான அனைத்து செய்திகளையும் ஆசிரியர்களுக்கு மட்டுமன்றி தாய் மொழி பேசும் ஒவ்வொரு தமிழரும் தெரிந்துகொள்ளவேண்டும் நம் மொழியின் எளிமையையும் பயன்களையும் பயன்பாடுகளையும் அனைவரும் அறிந்து கொள்ள வேண்டும் எனும் நோக்கில் இந்நூல் எழுதப்பட்டுள்ளது.

துறைதோறும் தமிழ் எனும் நிலை போக்கி வீடுதோறும் தமிழ் எனும் நிலை உருவாக்கும் அடிப்படையில் இந்நூல் அமைந்துள்ளது.

தாய் மொழிக் கற்பித்தலில் குழந்தைக்கு பெற்றோர்கள் முதல் ஆசிரியர் அவர் ‘ஆகவே பெற்றோர்களும் நம் தாய்மொழியை குறித்து தெரிந்துகொள்ள வேண்டும் இது ஒவ்வொரு பெற்றோர்களின் கடமையாகும்.

தமிழ் மொழியை கற்பிப்பது கற்பது மிக கடினம் எனும் நிலையை போக்க பெற்றோர்களுக்கும் ஆசிரியர்களுக்கும் ஆன சிறந்த கையேடாக இந்நூல் விளங்குகிறது. நமது பண்பாடு கலாச்சாரம் பழக்கவழக்கங்கள் ஆகியவற்றை குழந்தை பருவத்தில் இருந்தே தெரிந்துகொள்ள வேண்டும் எனும் அடிப்படையில் 5 விளையாட்டுகளை கட்டாயம் விளையாட வேண்டும் என்பதை முதன்மையாக்கி , ஒவ்வொரு திறன்களை குறித்தும் விளக்கமளித்து , 45 நாட்களில் தமிழ் படித்து எழுதுவதற்கான அட்டவணை தந்து பிழை நீக்கி அறிய பகுதிகள் தந்து மிகவும் சிறப்பாக வடிவமைக்கப்பட்டுள்ள நூலாகும்.

ஒளியை அடிப்படையாக வைத்து எழுத்து சொல் பொருள் சொற்றொடர் முதலியவற்றின் அடிப்படையில் கற்றல் கற்பித்தல் நடைபெறுவதால் 100% தெளிவான உச்சரிப்பும் பிழையில்லாத கையெழுத்தும் மாணவர்களிடையே உருவாகும் எனும் அடிப்படையில் எழுதப்பட்டது இந்நூல். 

திருவண்ணாமலை மாவட்டம் முழுமைக்கும் உள்ள ஆசிரியர்கள் தன்னார்வலர்கள் முறைசாரா கல்வி ஆசிரியர்கள் போன்றவர்களுக்கு பயிற்சி அளித்து மூன்றே மாதத்தில் அம்மாவட்ட முழுமைக்கும் உள்ள குழந்தைகளை படிக்க எழுத வைத்து உலக சாதனை முயற்சிக்கு மாவட்ட ஆட்சி தலைவர் மதிப்புமிகு ஐயா கந்தசாமி இ.ஆ.ப , முதன்மை கல்வி அலுவலர் மதிப்புமிகு ஐயா ஜெயக்குமார் ஆகியோர்களின் ஆலோசனைப்படி அனைத்துப் பள்ளிகளிலும் இவ்வாய்வு நூல் கொடுக்கப்பட்டு ஆசிரியர்களுக்கு தொடர் பயிற்சி அளித்து வெற்றி ஆக்கப்பட்ட நூலே இந்நூலாகும்.இதற்கு சான்றாக அம்மாவட்ட ஆட்சித் தலைவரும் முதன்மைக் கல்வி அலுவலர் உலக சாதனைக்கான கருத்தாளர் என்ற சான்றிதழும் பின்னோட்டம் அளித்ததையும் தந்திருக்கிறார் இந்நூலாசிரியர்.